ភ្នំពេញ៖ ក្រសួងអប់រំ យុវជន និងកីឡា ប្រកាសឈប់ទទួលពាក្យតវ៉ារបស់បេក្ខជន និងបញ្ចប់ដំណើរការពិនិត្យ និងដោះស្រាយការតវ៉ា ដោយរក្សាលទ្ធផលប្រឡងនៅដដែល។
ការប្រកាសនេះដោយថា បន្ទាប់ពីបញ្ចប់ការធ្វើកោសលវិច័យលើលទ្ធផលនៃការប្រឡងបាក់ឌុបសម័យប្រឡងថ្ងៃទី២៧ ខែធ្នូ ឆ្នាំ២០២១ គណៈកម្មការកោសលវិច័យបានរកឃើញថា លទ្ធផលនៃការប្រឡង គឺមិនមានការប្រែប្រួលទេ។
ក្រសួងបន្ថែមថា៖ «ចំពោះសិស្សប្រឡងធ្លាក់ ក្រសួងសូមលើកទឹកចិត្តឱ្យខិតខំរៀនសូត្របន្ត ដោយមានការជួយគាំទ្រពីសំណាក់លោកគ្រូ អ្នកគ្រូ មាតាបិតា អ្នកអាណាព្យាបាល និងសហគមន៍ ដើម្បីទទួលបានជោគជ័យក្នុងការប្រឡងនៅឆ្នាំខាងមុខ»។
លទ្ធផលនៃការប្រឡងបាក់ឌុប ត្រូវបានប្រកាសកាលពីថ្ងៃទី១៤ និង១៥ ខែមករា ឆ្នាំ២០២២ ដែលមានបេក្ខជនប្រឡងជាប់សរុបចំនួន ៧២ ០១៦នាក់ ស្មើនឹង ៦៥,៦៥% នៃបេក្ខជនប្រឡងសរុប ១១៤ ១៨៧នាក់ ដែល៕
ព័ត៌មានជាច្រើនទៀតសម្រាប់អ្នក
